America ram chhinchhiahna mupui

Bald mupui hi America mupui tia hriat a ni a, he mupui (Bald Eagle) hi America ram chhinchhiahna atan an hmang bawk ani. Bald mupui hi tuipui nu tia sawi a ni.

He mupui chihi khawvela mupui chi mang mai hlauhthawnawma awm mek zingah dah a ni.Bald awmzia hi Lu var tihna a ni a, Latin tawng atanga lehlin chuan "Lu var tuipui mupui" tihnaa ni. Bald mupui hi a lu a var a, a mei lam a var bawk, a taksa lehthlate chu dum/uk a, a hmui a eng a, a zum van mai. A ke ah hmul a nei lo. Bald mupui hi a thla parh hmawr lehlam atanga hmawr leh lam teh tlangin 7ft. a sei a ni. Chaw atan sangha, rul, savate bakah ruangtawih (carrion) an ei thin a, chaw pounds 8 a rit la/pu chungin an thlawk thei. Kum tin an thanglian a, an bu pawh a lian thin hle awm e.

He mupui bu hi America hmar lam sava zawng zawng bu aiin a lian ber a, an record danin 20ft athuk, 10ft a zau leh ton 2 a rit atlingthei a ni.Balb mupui mit chak zia chu mel chanve dana thil hi hmaih miah lovin fiah zetin a hmu thei a,darkar khata mel 100 a chakin leia achaw ei tur a t(r)um bir fuh chat chat thei a ni. A chaw eitur a t(r)um bir chak zia chu rifle kah mu letin a chak zawk an ti a ni.

Bald mupui hian hmul 7000 vel a nei a, loneitute thian a ni bawk, buh leh thlai eitur sazu lehsazupui suattu a ni. Mupui pem chi a ni a, a dangdaina chu chhimlamah an pem chuan a ngaiah bawk an pem a, hmar lamah an let leh a nih pawhin a ngaiah bawk an let thin.