Stephen Hawking-a chanchin tawi

By Lalchhanhima, Indianapolis - USA
Leilung dan, thil sanei chakna lehchevel, eng kalhmang finfiaha zirbingtu (theoretical physicist) leh leileh van chanchin zirtu (cosmologist)hmingthang Stephen WilliamHawking-a hi January ni 8, 1942 khana nu leh pa Dr. Frank Hawking-a lehIsobel Hawking-i fa upa ber ni turinEngland ram Oxford khua-ah a pianga. Pianpui unau hmeichhia pahnihleh a nu leh paten mi fa an lakchawp unau mipa pakhat a nei bawka ni. Stephen Hawking-a a pian hnuhian Oxford atangin an khaw hluiLondon-ah an chhungin an pem kirleh a, hetah hian Stephen Hawking-ahi a sei lian a ni.

Stephen Hawking-a hian kum 1962khan University College, Oxford-ahPhysics thlur bingin B.Sc. a zirchhuak a. Tichuan, Oxfordchhuahsanin a tuina zawn tak a zirtheihna Cambridge University-ahtheoretical astronomy and cosmologylam a thlur bing a, kum 1965-ahPh.D. a zo fel.

Stephen Hawking-a hian a naupandeuh lai atangin ‘Amyotrophic lateralsclerosis’ tia hriat lar, motor neuronedisease (mihring cell leh tha tikhawlo a, taksa bung hrang hranghnathawk thei loa siam thei natna) avei a, kum 21 a nihin daktorten kum2 emaw, kum 3 emaw bak a dam anrin tawh loh thu an sawi. Chumi hnuatang chuan tawng chhuah leh a kutleh ke tihchet a harsat tual tual tana, thutthleng lir thei-ah vawiin thlenghian a thu ta ngar ngar a ni.Vanduaithlak takin kum 1985-ah lunglam tikhaw lotu natna ‘pneumonia’ avei a, chumi avang chuanthichhawnin a na a, chu chuanintawng thei lovin a siam hlen ta a ni.Kum 10 bi tlemin Stephen Hawking-ahi lo piang hma deuh sela chuan,khawvelin he mi ril turu hi a pian lehpian loh pawh hre lovin a chan ngeiang! Mahse, thiamna changkanghmangin a thian tha David Mason-a’n khawlthluaknei tawng thei‘DECtalk DTC01 voice synthesise’ asiamsak a, chu khawlthluakneitawngthei-ah chuan kutin emaw, mittihchetin emaw a thusawi duhthumalte chu thlangchhuakin, chukhawl chuan a thusawi duh chu asawichhuahsak ta zel a ni. Kum 2009laihawl vel atang khan akhawlthluaknei tawngthei hmanchuan duhthu a sam tawh lo a,khawlthluaknei tawngthei dang‘NeoSpeech’s VoiceText speechsynthesiser’ a hmang leh ta a ni.

Stephen Hawking-a hi kum 1965 khanJane Wilde-i nen an innei a, fapapahnih leh fanu pakhat an nei. Anupui Jane-i hian kum 1991 – aninthen thlengin duat takin a enkawl.Tichuan, kum 1995-ah amah enkawltunurse Elaine Mason-i (khawlthluakneitawngthei siamsaktu David Mason-anupui hlui) nen an innei a, kum2006-ah a nupui pahnihna nen hianan inthen leh ta a.

Stephen Hawking-a hi University ofCambridge-ah kum 30 zet (1979-2009)Lucasian Professor of Mathematicshna a chelh. He hna hi kum 1663-aIssac Newton-a’n a lo chelh tawh hnakha a ni.

Stephen Hawking-a hi tunahUniversity of Cambridge-a Director ofResearch at the Institute forTheoretical Cosmology ni mek niin,Physics leh Methematics lam zirnaleh chhuina hmun hmingthang hranghrangah thurawn petu a ni. Khawvelmi thiam tam takin a thu anngaichang reng a, amah hi Eistein-athih hnu-a khawvela Leilung dan, thilsanei chakna leh chevel, engkalhmang finfiaha zir bingtu(theoretical physicist) leh lei leh vanchanchin zirtu (cosmologist) ropuibera ngaih a ni. Mi thenkhat erawhdchuan Newton-a leh Einstein-a te aipawhin a ropui zawkin an ngai bawk!Mi thiam chungchuang chauhin andawn theih, khawvel ngaihhlutchawimawina ropui 15 zet a dawngtawh a, chu’ng zingah chuan CHd(Order of the Companions of Honour)te, CBE (Commander of the Order ofthe British Empire) te, FRS (The RoyalSociety of London for ImprovingNatural Knowledge) te, FRSA (List ofFellows of the Royal Society of Arts)-tean tel.

Stephen Hawking-a hian lehkhaburopui tak tak 6 a khawrpum tawh a,chungte chu:- 1) A Brief History ofTime (1988), 2) Black Holes and BabyUniverses and Other Essays (1993), 3)The Universe in a Nutshell (2001), 4)On The Shoulders of Giants. TheGreat Works of Physics and Astronomy(2002), 5) A Briefer History of Time(2005) leh 6) The Grand Design(2010). A lehkhabu hmasa ber ‘A BriefHistory of Time’ phei hi chu khawvellehkhabu hralh tla ber zinga chhiartel niin, Sap tawnga ziak bumaktaduai 10 chuang hralh tawh ani. Tin, he lehkhabu hi tawng chihrang tam taka lehlin a ni bawk.

Stephen Hawking-a hi arsi thi (blackhole) zirchian kawngah a thawkhlawkin a hmingthang hle. Vanthengrengah khian enna nei tawh loarsi thi tam tak an awm a, arsite chuan thihin a te thei ang berin an mukvak thin a, hipna tha nasa tak anneih avangin an chhehvela awm thilreng reng chu anmahni-ah an hip lutvek a, eng tak ngial pawh he arsi thi(black hole) atang hian a kalchhuakthei lo nia ngaih a ni. Chuvangin adum/thim em em a, enhlatna hmangpawhin hmuh theih an ni lo a, mithiamte chuan an bul hnai deuhaawm arsi dang chetvel dan atanginan hre thei a ni. Arsi thite hi pakhatleh pakhat an inbelhbawm ve zel niangaih a ni. Arsi thi hi a sa a mukngheh em avangin, sam zai tiat lekalian pawh khawvela tlang lian ber aiarit ni tura chhut a ni! Hawking-a hianarsi thi bul hnaia eng zung kalchhuaka hmuchhuak a, chu chu ‘Hawkingradiation’ tia vuah a ni. Tin, Einstein-a General Theory of Relativity lehSuper String Theory hmanga ‘BigBang’ (Thil puak keh dur) atangaintana ‘Black Hole’ (Arsi thi inhipkhawm zel avanga thil zawng zawnginfinkhawm lehna) lei-van leh hunbul leh tawp zir leh sawifiah kawngahte, Quantum gravity leh theoremdang tam tak finfiah leh sawifiahkawngahte Stephen Hawking-a hi alar hle.

Stephen Hawking-a hian a lehkhabuhmasa ber ‘A Brief History of Time’-ahchuan, “Theory tha (M-Theory/ Theoryof Everything) kan siamchhuah chuanPathian rilru ngaihtuahna lang kawkkhawpin thil kan chhui thei ang,” tiina ziak a. Hetah hian ‘Pathian’ hi aawm ngei a ring niin a lang. Mahse,kum 2010-a chhuak a lehkhabuhnuhnung ber ‘The Grand Design’-a atarlan dan leh The Gurdianchanchinbu-in a kawmnaa a sawina-ah chuan, “Lei leh van hi Sciencedanin a thunun…Lei leh van hiamahin a indin chhuak thei…Lei lehvan siamna-ah Pathian inrawlh kheratulna a awm lo…Science thiamnahian engkim a finfiah thei…” tihte atel! Vanram emaw, thih hnu nunemaw a awm a ring lo a, thim hlaumihring fate inhnemna mai niin asawi. He thu avang hian khawvelhmun hrang hranga sakhawhruaituten an chhang let nasa hle a,Kristian sakhua chauh ni lo, sakhawdang betute pawhin an bei let nasahle. Mahse, he mi thiam – a thluakngaihtuahna hmanga thil tam takzirchhuaktu hi a dinna ngaiin dingin,a ngaihtuah leh chhut ngai chhutin,thutthleng lir thei-ah vawiin thlenghian a la thu a ni.

SAM 8:3 – 4 I van, I kut chhuak te,Thla leh arsi I ruathote khi, kangaihtuah chang chuan, Mihring hieng nge maw a nih a, I hriat rengthin ni? Mihring fapa pawh hi engnge maw a nih a, I kan thin ni?’ ka tithin.